Два метри снег во Африка: Погледнете како изгледаат јужните делови на континентот/ФОТО

Обилните снежни врнежи ги затворија патиштата во Јужна Африка. Патниците се заглавени во своите автомобили по невообичаено обилните снежни врнежи во тој дел од континентот.

Во некои делови на Африка снег падна и до два метри. Особено погоден е автопатот N3 што ги поврзува Јоханесбург и Дурбан, при што службите за итни случаи се обидуваат да стигнат до луѓето кои останале заробени во нивните возила во деловите каде што патот бил затворен.

Некои ја поминаа ноќта во своите автомобили. Клучниот автопат на истокот од земјата е еден од најтешко погодените, а неколку делници се затворени, а непроодни се и обиколниците, соопштија властите, пренесува РТС.

„Сè уште нема детални информации за состојбата на дел од учесниците во сообраќајот кои ги зафати силен снег“, изјави управителката на Управата за наплата на патарините Танија Дугра.

„Службите за итни случаи работеа без престан во текот на ноќта. Тие се обидоа да стигнат до што е можно повеќе учесници во сообраќајот“, вели Дугра.

It is snowing in South Africa. There is snowfall in Eastern Cape, KwaZulu Natal, Free State and Gauteng. pic.twitter.com/Oi257NXYtA

— Africa Facts Zone (@AfricaFactsZone) September 21, 2024