Цените на билетите за последните концерти на Адел во Лас Вегас се движат од 3.500 долари до дури 5.000 долари, додека некои препродавачи нудат билети од 13.000 до 70.000 долари.
Лас Вегас е последната музичка станица на британската пејачка Адел, која ќе оди на долга пауза по нејзиниот настап во ноември годинава.
„Сакам голема пауза после сето ова и мислам дека сакам да се занимавам со други креативни работи некое време. Знаете, јас воопшто не пеам дома. Колку е тоа чудно?“, му рекла Адел на германскиот ЗДФ пред десетте распродадени настапи во Минхен, пренесува 24сата.хр.
Но, Адел очигледно реши добро да ги плати солзите на фановите.
Многумина беа шокирани од цените на билетите за последните концерти пред најавената музичка пауза.
На веб-страницата Seat Geek, првите места на сцената чинат повеќе од 5.000 долари, додека оние што се најоддалечени од сцената ќе мора да издвојат помеѓу 3.500 и 4.800 долари.
Некои препродавачи нудат билети по астрономски цени, препродавајќи ги за 13.000 долари до дури 70.000 долари за седишта пред сцената. Многумина беа запрепастени од цените на билетите, а своето незадоволство го изразија на социјалните мрежи.
„Влезниците во Минхен беа бесплатни во споредба со овие цени“, „Ако го дозволиш ова како уметник, тогаш губам секаква почит кон тебе“, „Еве зошто многу Американци дојдоа на концерти во Германија“, напишаа фановите на Инстаграм.
Иако многумина ги коментираат цените на билетите во Лас Вегас, на почетокот на септември се појави вест дека Адел одбила потенцијална исплата од 200 милиони долари, што би била нејзината најголема хонорар во кариерата.
