Прославената српска тенисерка Ана Ивановиќ (37) се враќа на тенисот! Додуша, шампионот на Ролан Гарос од 2008 година нема да игра натпреварувачки туку егзибициски меч.
Ивановиќ е пензионирана од тенисот од 2016 година, па по осум години ќе се занимава со својот омилен спорт. Ана ќе учествува на егзибиционен турнир во Луксембург од 17 до 20 октомври на „Luxembourg Ladies Tennis Masters“.
Покрај српскиот тенисер, на турнирот ќе учествува и тениската елита од последниов период. Учеството го потврдија Мартина Хингис, Флавија Пенета, Доминика Цибулкова, Андреа Петковиќ, Кирстен Флипкенс, Магдалена Рибарикова и Лаура Робсон.
По повлекувањето од професионалниот спорт, Ивановиќ се посвети на семејството. Таа има три деца со нејзиниот сопруг, поранешниот германски фудбалер Бастијан Швајнштајгер.
Во својата кариера Ана, освои шест ВТА турнири и еден грен слем турнир. Ана Ивановиќ успеа да го освои Отвореното првенство во Франција 2008, победувајќи ја во финалето Динара Сафина, а веќе со самото пласирање во финалето на тој натпревар станала тенисерка број еден на ВТА листата, кое за брзо време го загуби.
