Претседателот на Украина, Володимир Зеленски, потврди дека украинскиот „план за победа“ во војната со Русија, што треба да му го претстави на американскиот колега Џозеф Бајден до крајот на месецот, е „целосно подготвен“.
„Најважна работа сега е решеноста да се спроведе“, рече Зеленски во своето секојдневно обраќање до нацијата.
Според него, „има и не може да има алтернатива за мирот, нема замрзнување на војната или други манипулации кои само би ја замениле руската агресија“.
Руската армија ја нападна Украина во февруари 2022 година и незаконски окупираше и отцепи големи делови од неа на исток и југ.
Руските трупи се обидуваат да ги одгризат дел по дел украинските територии на исток. Во меѓувреме, Украина ненадејно го нападна рускиот прекуграничен регион Курск во август и зазеде околу 1.000 квадратни километри територија.
Властите во Киев, кои добиваат оружје од Запад, бараат од западните земји дозвола да користат ракети со долг дострел за да гаѓаат цели подлабоко на руска територија.
