Принцезата од Велс го одржа својот прв состанок во замокот Виндзор по завршувањето на хемотерапијата.
Идната британска кралица Кејт Мидлтон (42) која минатата недела откри дека нејзиното лекување е завршено и дека полека ќе се враќа на кралските обврски, изјави во интимно видео заедно со нејзиниот сопруг, принцот Вилијам и нивните три деца, дека со нетрпение го чека враќањето на должноста.
„Мојот пат до заздравување и целосно закрепнување е долг и морам да продолжам да го доживувам секој ден како што доаѓа“, рече таа тогаш.
Инаку, Кејт е покровител на Кралската фондација на принцот и принцезата од Велс.
Кенсингтонската палата потврди дека ова е прво забележано спомнување на работата на Кејт, откако таа за прв пат беше хоспитализирана во јануари на абдоминална операција. Принцезата помина две недели во болница пред да биде отпуштена за да закрепне дома. Неколку недели подоцна, лекарите поставија секундарна дијагноза на рак пред таа да започне превентивна хемотерапија.
„Моето патување против ракот беше сложено, застрашувачко и непредвидливо. Со понизност, тоа исто така те доведува лице в лице со сопствените ранливости на начин на кој никогаш не сте размислувале и ви нуди нова перспектива за сè“, рече таа, додавајќи дека нејзиниот сопруг, принцот Вилијам (42) е цело време покрај неа.
„Ние сме благодарни за едноставните, но важни работи во животот, кои многумина од нас често ги земаат здраво за готово. Едноставно да сакаш и да бидеш сакан“.
Таа тогаш изјави дека ќе направи се што може, а дека „животот без рак“ сега е нејзиниот „фокус“.
„Со нетрпение очекувам да се вратам на работа и да преземам уште неколку јавни ангажмани во наредните месеци.
Кралските извори велат дека принцезата ќе си го олесни повторното враќање во кралскиот живот со тоа што ќе работи од дома и ќе преземе некои ангажмани. Се очекува таа да му се придружи на кралското семејство во ноември за Неделата на сеќавањето.
