Полскиот премиер Доналд Туск вечерва најави дека владата ќе прогласи состојба на природна катастрофа поради разорните поплави што ја погодија земјата.
„По консултација со надлежните министри и служби, наредив подготовка на уредбата на Советот на министри за воведување состојба на природна катастрофа“, напиша Туск на мрежата Х.
Состојбата на природна катастрофа ѝ дава на владата поголема контрола за да ги задржи и да се справи со последиците од катастрофата, а оваа одлука ќе и овозможи на полската влада да мобилизира пари и ресурси во рамките на Механизмот за спас на ЕУ.
Локалните власти во југозападна Полска итно апелираа до жителите да се евакуираат бидејќи надојдените води се закануваат да пробијат уште една брана, откако претходно пукна брана, по што поплавен бран помина низ градот Строње Сласки.
Досега е евидентирана една жртва од поплавите во Полска, а во другите делови на Европа загинаа уште шест лица, а повеќе луѓе се водат како исчезнати, јавува Танјуг.
