Украинската армија денеска се пофали со нов успех во борбата против Русија. Имено, објави видео за кое тврди дека го прикажува падот на рускиот дрон од типот Орлан-10 пред два дена во областа Харков. Русите користат дронови од типот Орлан-10 за извидување, корекција на артилериски оган, но и за изведување напади.
Ова само по себе не би било толку специфично доколку не беше прво соборување на руски дрон на височина над 3.600 метри. Интересен е и методот со кој е соборен рускиот дрон. Како што можете да видите на видеото, украинско беспилотно летало удрило во рускиот дрон и така го оневозможило.
