Возачот на Дукати, Франческо Бањаја, верува дека Марк Маркез ќе биде исклучително конкурентен кога ќе стане негов тимски колега.
Иако долго време се шпекулираше дека италијанскиот тим ќе реши да го промовира Хорхе Мартин, на крајот беше одлучено да му се даде шанса на осумкратниот светски шампион, што не му се допадна на бранителот на титулата. Поради тоа, италијанскиот мотоциклист јасно знае што го чека од следната сезона.
- Верувам дека во Дукати решија да ја сменат својата стратегија, која се засноваше на вербата во младите возачи и давање можност да стигнат до фабричкиот тим и се одлучија за Марк, кој има најмногу титули. Сигурно е дека ќе биде исклучително конкурентен, веќе е супер брз, следната година ќе го има најдобриот можен мотоцикл, а тоа секогаш ви дава дополнителна мотивација. Може да биде или одлично или катастрофа, ќе видиме. Ќе биде катастрофа ако го подигнеме тонот еден на друг, но и двајцата сме паметни, истакна Бањаја.
Актуелниот шампион истакна дека не се согласува со одредени одлуки во Дукати, поради тоа што Мартин и Бецеки заминуваат во Априлија, додека Енеа Бастијанини ќе го засили Тех3 КТМ.
- Да се биде без тројца возачи како нив е голема загуба, особено затоа што на другите конструктори им дадовте тројца супербрзи возачи, нагласува Италијанецот.
Што се однесува до актуелниот шампионат, Бањаја многу добро знае што е најважно доколку сака на крајот да стане четирикратен светски шампион.
-Јасно е дека Хорхе и јас сме најбрзи, и далеку пред сите, но сигурен сум дека Марк и Енеа ќе ја намалат разликата во вториот дел од сезоната. Ќе биде тешко, но најважно ќе биде да се бориме во главната група, додаде Бањаја.
Следната трка од Мото ГП шампионатот е закажана за претстојниот викенд кога ќе се вози ГН на Австрија.
