Руски пилот го снимил својот борбен авион како паѓа на земја откако се катапултирал.
На видеото објавено на Телеграмскиот канал на рускиот воен блогер Кирил Федоров се гледа како авионот вртоглаво паѓа низ облаците со пламен кој пука од еден од неговите мотори.
Камерата потоа се превртува за да го открие пилотот кој се спушта со падобран и носи кацига со визир и маска за кислород.
– Не соборија! Вклучен GPS, но без сигнал… Немавме време да реагираме. Сѐ е готово… Се зае***ме – вели пилотот.
Не е јасно кога и каде точно е направена снимката. Федоров тврди дека пилотот преживеал и се подготвува за нови борбени мисии.
Силуетата на авионот сугерира дека пилотот летал со авион од руската фамилија авиони Сухој, чии неколку варијанти во моментов рутински се користат од страна на руските воздухопловни сили во конфликтот во Украина. Варијантите го вклучуваат оригиналниот повеќенаменски ловец Су-27 и неговите модернизирани и надградени повторувања Су-30 и Су-35, но исто така и Су-34 кој е специјално дизајниран да изведува мисии за бомбардирање и длабок удар.
Антон Герашченко, поранешен советник на министерот за внатрешни работи на Украина, исто така го сподели видеото.
– Бидејќи исфрлањето се случи над облаците и на значителна височина, тоа може да биде пилот на ловец Су-30/Су-35 или бомбардер Су-34. Судејќи според мирното однесување на пилотот, авионот бил погоден длабоко на руска територија – вели Герашченко.
Неверојатната снимка, да потсетиме, се појави само неколку дена откако Украина ги доби американските Ф-16.
A video appeared online of a Russian pilot who was shot down but managed to eject. He filmed his and his aircraft’s fall on his phone.
As the ejection occurred above the clouds and at a considerable altitude, it could either be the pilot of a Su-30/Su-35 fighter or a Su-34… pic.twitter.com/dwYpgLUlmI
— Anton Gerashchenko (@Gerashchenko_en) August 5, 2024
