Откако заедно беа домаќини на Евровизија во 2008 година во белградската арена, нивните имиња секогаш одат заедно. Јована и Жељко Јоксимовиќ веќе 16 години се одличен тандем и еден од најхармоничните парови на естрадата.
Во далечната 2008 година и двајцата беа во емотивни врски, но љубовта што се разгоре меѓу нив беше посилна од се.
Нивните емоции се посилни и побогати со текот на годините. На 20 јануари 2012 година, славниот пар тајно го кажал судбоносното „да“ на Малдивите, магичниот остров на кој го поминале првиот заеднички одмор, пренесува Hello.
Само неколку дена подоцна, поточно на 2 февруари, тие го официјализираа граѓанскиот брак склучен на Малдиви, кој се покажа како неважечки.
Круната на љубовта на Жељко и Јована се нивните деца. На 10 април 2014 година го добија синот Коста и истиот ден беше создадена една од најубавите балади на Жељко. Веќе во 2017 година се родија близначките Ана и Срна.
Во нивната врска дефинитивно не недостига љубов, но се чини дека недостасува романтика.
Имено, Жељко уште во 2019 година зборуваше за тоа каков е приватно, пред концерт во Хрватска, па за тамошните медиуми изјави дека не е многу романтичен, иако речиси секоја друга негова песна е прекрасна љубовна балада.
„Никогаш не сум се сметал за романтичен, малку ми е срам“, рече Јоксимовиќ низ насмевка и додаде дека неговата сопруга Јована се занимава со романтични работи и често знае на Жељко да му приреди прекрасни моменти.
Така таа му го честитала роденденот на музичарот на концерт во Сплит, а Жељко ја видел честитката дури на половина концерт.
Таа ми го честиташе роденденот и до половина од концертот не видов дека таа организирала поставување лента низ целата арена и кога ги вклучија светилките реков „боже мој““, рече Жељко Јоксимовиќ.
