Словачката рафинерија на нафта „Словнафт“ ќе престане да испорачува дизел гориво за Украина доколку Киев не ја укине транзитната забрана за руската нафта, изјави словачкиот премиер Роберт Фицо во видео порака објавена на „Фејсбук“.
Тој посочи дека Братислава нема да го промени ставот за конфликтот во Украина бидејќи Киев го запира транзитот на нафта од руската компанија „Лукоил“, пренесува РИА Новости.
Да потсетиме, протокот на нафта од компанијата „Лукоил“ кон Словачка и Унгарија преку Украина престана откако Киев минатата недела ја стави таа компанија на листата на санкции. Будимпешта тој потег го нарече „уцена“ на две земји кои се залагаат за мир, претходно објавија унгарските медиуми.
– Ќе кажам многу искрено, ниту проблемот со транзитот на руска нафта преку Украина не може да ја промени нашата позиција за конфликтот, кој треба да се стави крај со мировни преговори, а не вештачки да се пролонгира со нереална цел Русија да се фрли на колена. , а со вистинска цел да се пополнат џебовите на производителите на оружје – рече Фицо во своето видео обраќање.
Словачката агенција ТАСР претходно објави дека Фицо телефонски разговарал со украинскиот колега Денис Шмигал, во врска со транзитот на руска нафта низ Украина.
