Пожарникарите продолжуваат да се борат со големиот шумски пожар што гори во северна Калифорнија, при што условите стануваат сè потешки поради зголемените ветрови и зголемувањето на температурите, соопштија властите.
Мегапожарот што избувна недалеку од градот Чико изгоре повеќе од 144.500 хектари земја, беше објавено во неделата попладне.
Во четвртокот полицијата уапсила 42-годишен маж осомничен дека го подметнал пожарот.
Шефот на пожарникарите Били Сиј истакнува дека ова е седми најразорен пожар во историјата на таа американска држава на западниот брег.
Пожарот досега принуди евакуација на 4.200 луѓе од округот Бут и продолжува да гори во планинска област на околу 145 километри од Сакраменто.
Во гаснењето на пожарот се вклучени околу 4.000 луѓе, со помош на водени топови и булдожери, кои уништија или оштетија 67 куќи. Засега нема извештаи за жртви.
Во саботата, благодарение на послабите ветрови и ниските температури, пожарникарите ставија под контрола 12 отсто од мегапожарот, но условите се влошија еден ден подоцна.
Чико се наоѓа на 25 километри од Парадајс, град кој во 2018 година беше опустошен од најсмртоносниот пожар некогаш регистриран во Калифорнија, кога животот го загубија 85 луѓе.
