Бразилскиот голман Едерсон е многу блиску до заминување од редовите на актуелниот шампион на Англија, тимот на Манчестер Сити, а доколку тоа се случи, еден од најдобрите светски голмани многу лесно би можел да пристигне на „Итихат“.
Според познатиот италијански новинар, Џанлука Марцио, Џанлуиџи Донарума многу лесно би можел да го напушти ПСЖ и да премине во еден од најмоќните тимови во светот.
Италијанскиот голман, кој повторно ги покажа своите способности на неодамна завршеното Европско првенство, лесно би можел да го напушти францускиот шампион иако неговиот договор истекува во 2026 година.
Од друга страна, Едерсон е блиску до заминување во Ал Итихад во малку неочекуван трансфер, а се шират гласини дека тој веќе договорил се со тимот од Саудиска Арабија и дека Сити ќе заработи околу 50 мил. фунти од неговата продажба.
Иако го имаат Стефано Ортега, кој веројатно беше најдобриот втор голман во Премиер лигата и некој кој достојно го замени Едерсон кога беше повреден, тоа не е доволно за „граѓаните“ кои го сакаат Донарума.
ПСЖ се обиде да го продолжи договорот со Донарума, но се беше одложено за по Европското првенство. Сега во приказната се вклучи и Сити, а дали Италијанецот ќе замине во Англија останува да се види во наредните денови.
