Италија во вторникот заплени 121 милион евра од „Amazon Italia Transport“, подружница на американскиот онлајн трговец на мало „Амазон“, под сомнение за затајување данок.
Компанијата треба да го направи тоа преку систем на доверување на финалната испорака на пратките на надворешни изведувачи, јавуваат странските новински агенции.
Финансиската полиција во Милано ги запленила средствата врз основа на истрага на Државното обвинителство на Милано, кое утврдило дека компанијата испорачувала пратки од складиштето до дестинацијата по избор на клиентот, преку луѓе за испорака што не биле нејзини вработени. На тој начин, компанијата избегнала да плати високи износи на даноци и социјални придонеси, објави австриската новинска агенција АПА.
Ова е 21. истрага на Државното обвинителство на Милано во логистичкиот сектор, чија цел досега беа логистичките гиганти како DHL, Uber и UPS, јави АПА.
