Судија во Флорида го отфрли кривичното дело против поранешниот американски претседател Доналд Трамп, за незаконско поседување доверливи документи.
Окружниот судија на САД, Ајлин Кенон, номинирана од Трамп, пресуди дека специјалниот советник Џек Смит – кој го води обвинителството – е незаконски назначен за неговата улога и нема овластување да го покрене случајот.
Во одлуката од понеделникот, Кенон рече дека назначувањето на специјалниот обвинител Џек Смит го прекршило Уставот, пренесува Си-Ен-Ен.
„Конечно, зголемената удобност на извршната власт во назначувањето ‘регулаторни’ специјални советници во неодамнешната ера се чини дека следеше ад хок шема со мал судски надзор“, се вели во соопштението.
Тоа е уште една голема правна победа за Трамп, по одлуката на Врховниот суд од 1 јули, со која поранешниот претседател се најде имун од гонење за бројни дејствија што ги презеде додека беше на функцијата.
Класифицирани документи се чуваат во сала за танц и бања
Станува збор за добро познат случај во кој на имотот на Трамп во Мар-а-Лаго биле пронајдени доверливи документи, а голем дел од документите биле во неговата бања.
Доверливите документи запленети од агентите на ФБИ од замокот на Трамп во Мар-а-Лаго, Флорида содржеле информации за нуклеарната програма на Соединетите држави, капацитетите за оружје на САД и другите странски сили и ‘потенцијалната ранливост на САД и нејзините сојузници’ од воен напад“.
Според обвинението, Трамп ги чувал тие документи повеќе од една година во различни простории на имотот на Флорида, вклучително и во сала за танц, бања, канцеларија и спална соба.
Испитуван е и Мајк Пенс
Тимот на Трамп тврди дека поранешниот претседател е жртва на селективно гонење и дека е цел на демократите додека се обидува да добие втор мандат во Белата куќа.
Во февруари, федералниот обвинител рече дека актуелниот претседател Џо Бајден нема да се соочи со кривична пријава за свесно чување доверливи документи во неговата канцеларија и дом по завршувањето на неговиот мандат како потпретседател во 2017 година.
Мајк Пенс, кој беше потпретседател на Трамп, исто така беше под истрага, но тој не беше обвинет за чување доверливи документи во неговиот дом во Индијана. Додека Бајден и Пенс соработуваа со истражителите, обвинителите тврдеа дека Трамп планирал да лаже и да премести документи низ неговото одморалиште Мар-а-Лаго за да ги спречи истражителите да ги пронајдат.
Обвинителите тврдат дека некои од документите содржеле информации за националната безбедност, вклучувајќи ги капацитетите за нуклеарно оружје и потенцијалните ранливости на САД во случај на воен напад.
