Претседателот на САД, Џо Бајден, кој се уште е под силен притисок и критика да се повлече од претседателската трка по настапот на дебата со противникот Доналд Трамп, изјави дека никој од него не е поквалификуван да се кандидира и дека само Бог може да го отстрани од претседателската трка.
„Мислам дека нема некој поквалификуван од мене и ќе се повлечам само ако Господ Бог зборува со мене и ми каже да го сторам тоа“, изјави Бајден во интервју за АБЦ.
Според него, дебатата против Трамп на 27 јуни било само „лоша епизода“ бидејќи бил исцрпен во тој период.
„Се чувствував ужасно. Ги прашав (докторите) дали ме тестираа за коронавирус, бидејќи се обидуваа да откријат што не е во ред. Ми направија тест дали имам инфекција. Имав голема настинка“, рече Бајде и додаде дека е свесен за неговиот лош настап во дебатата.
„Имам тестови секој ден. Не водам само кампања, туку го водам светот. Звучи како хипербола, но ние (САД) сме суштинската нација во светот“, рече Бајден.
