Данска повлече неколку зачинети тестенини од јужнокорејската компанија Самианг, тврдејќи дека нивото на капсаицинот во нив може да ги отруе потрошувачите, јавува Би-би-си.
Трите „огнени вкусови“ на инстант линијата Самианг што се повлечени од данскиот пазар се Buldak 3k Spici & Hot Chicken, 2k Spici & Hot Chicken и Hot Chicken Cov.
Данската агенција за храна во вторникот нареди нудлите да се повлечат од пазарот, апелирајќи до потрошувачите кои веќе ги купиле да го вратат производот, јавува Би-Би-Си.
Но, производителот Самианг вели дека нема проблем со квалитетот на храната.
„Разбираме дека данската управа за храна ги повлече производите, но не поради проблеми со квалитетот, туку затоа што беа премногу зачинети“, се вели во соопштението на компанијата за Би-Би-Си.
„Нашите производи се извезуваат низ целиот свет. Но, ова е прв пат да бидат отповикани поради горенаведената причина“, додаваат тие.
Некои конкретни инциденти во Данска ги поттикнаа локалните власти да преземат акција.
Објавата предизвика жестока дискусија на интернет со многу забавни реакции од љубителите на лутата храна. Многумина тврдеа за ниската толеранција на зачините на Данците.
„Имав пријател од Данска кој мислеше дека невкусните пржени ракчиња со малку мелен пипер се премногу зачинети. Не е изненадување што мислат дека овие тестенини се отров“, гласи еден коментар.
Самианг рече дека планира „повнимателно да ги разгледа локалните регулативи“ во Данска и да одговори после тоа.
