Германската авиокомпанија Луфтханза во понеделникот соопшти дека ќе ја тестира понудата на бесплатни пијалоци, како кафе или чај, на директните летови на економска класа на кратки и средни релации ова лето, пренесе Хина.
„Во моментов размислуваме за повторно воведување на бесплатни пијалоци како кафе или чај во економска класа на летови на кратки и средни релации“, рече портпаролот на компанијата.
Оваа понуда, додаде портпаролот, ќе биде на проба во текот на летната сезона и ќе им помогне да видат „реакција и задоволство на патниците“.
Ова треба да го подобри опсегот на услуги на летови на кратки и средни дестинации, смета Луфтханза. Компанијата ги прекина бесплатните пијалаци и закуски во летото 2021 година и ја воведе опцијата за оваа услуга со плаќање.
Моментално на летовите на Луфтханза се нуди чај за три евра, а кафе за 3,50 евра. За ѓеврек треба да се одвојат 2,50 евра.