По девет години на „Енфилд“ и седум освоени трофеи, меѓу кои и првата титула во Премиер лигата по 30 години чекање и шестата титула во Лигата на шампионите, Јирген Клоп го напушти Ливерпул.
Можеше да има повеќе титули за Ливерпул и Германецот ако имаа малку повеќе среќа, а секогаш се споменува 2019 година кога Винсент Компани постигна гол против Лестер и со тоа им ја „украде“ титулата на „црвените“.
Таа година, Манчестер Сити го победи Ливерпул во трката за титулата за само еден бод, а Клоп откри зошто се уште не му се допаѓа Џејмс Медисон.
„Во тој момент, кога видов дека Компани ја прима топката во тој дел од теренот, бев многу среќен и не можев да сфатам што може да се случи.
Се сеќавам дека лежев на каучот и го гледав натпреварот и во тој момент почнав да си велам „Медисон излезе, блокирај го, затвори го“.
Оттогаш не ми се допаѓа Медисон. Бев лут на Брендан Роџерс тој ден затоа што требаше да го извади од игра затоа што беше уморен.
Лестер одигра многу добро во првото полувреме, а потоа требаше да постигне еден гол и да поведе.
Тоа е лична работа, немам проблем со него, но кога ќе го видам… И минатиот викенд повторно го видов“, изјави Клоп.
Двајцата се сретнаа во победата на Ливерпул од 4:2 против Тотенхем и тоа беше нивната последна средба барем додека Клоп бешее менаџер на клубот од „Енфилд“.
Негова замена ќе биде Арне Слот, кој до пред неколку дена работеше како тренер на Феенорд.
