Јапонскиoт премиер Фумио Кишида најави за време на посетата на Вашингтон дека на САД ќе им подарат 250 стебла цреши за прослава на 250-годишнината на независноста.
-Како гест на пријателство Јапонија ќе обезбеди 250 цреши кои ќе бидат насадени по повод 250-годишнината на вашата независност, рече Кишида, за време на говорот пред американскиот Конгрес во Вашингтон, додавајќи дека САД прават голема работа уредувајќи ги парковските области во Вашингтон, пренесе „Ројтерс“.
Кишида е вториот јапонски премиер кој се обраќа на заедничкиот состанок на Претставничкиот дом и Сенатот на САД, по неговиот претходник Шинзо Абе, кој пред Конгресот зборуваше во април 2015 година.
