Меѓународниот ден на Ромите Градоначалнокот Александар Стојкоски го помина со пријатели од ромска националност кои живеат на улица „14“ во УЗ „Даме Груев“.
Оваа улица во должина од околу 200 метри неодамна целосно е реконструирана.
Од Општина Ѓорче Петров информираат дека во Даме Груев се асфалтирани уште две улици: „Антон Кецкаров“ и „Лука Геров“ во вкупна должина од над 300 метри.
-Моите сограѓани од овој дел на Ѓорче Петров се мирољубиви луѓе со кои долго време имаме одлична комунијација, меѓусебна толеранција и добар соживот. Секогаш имам слух за нивните барања и ќе останам нивна поддршка и во периодот понатаму. Уште еднаш на сите мои пријатели Роми и целата ромска популација им посакувам денешниот ден да го поминат во пријатна атмосфера. Да продолжиме заедно да се гордееме на нашата мултикултурна заедница која негува одлични односи – истакна Стојкоски.
