Германскиот производител на спортска опрема Адидас и Германската фудбалска федерација (DFB) ја прекинаа продажбата на новиот национален дрес со број 44 по критиките дека личи на логото на нацистичката организација СС.
„Ќе престанеме да ги персонализираме дресовите во нашите онлајн продавници“, објави портпаролот на Адидас, Оливер Бриген.
До понеделник попладне веќе не можеше да се персонализираат дресовите со лични имиња и броеви. DFB, пак, ја прекина испораката на дресови со број 44 веќе нарачаи во онлајн продавницата.
Adidas ha anunciado que eliminará el número 44 de la camiseta de Alemania ya que el diseño de los números recuerda al símbolo de las SS.
La DFB ha dicho que no estaba al tanto y se distanció claramente de cualquier idea cercana a la extrema derecha.
El portavoz de Adidas dijo… pic.twitter.com/vylO4OkL35
— Andrés Weiss (@andresweiss_) April 1, 2024
Корисниците на социјалните мрежи неодамна забележаа дека бројот 44 на новодизајнираниот дрес, претставен минатиот месец, наликува на логото на Schutzstaffel (SS), паравоена организација контролирана од нацистите и Адолф Хитлер.
Адидас се најде на удар на критики поради ова, но Бриген тврди дека DFP и неговиот партнер 11teamsports биле задолжени за дизајнирање на имињата и броевите.
