На денот кога бројот на жртвите во Газа достигна 30.000, повеќе од 100 луѓе загинаа, а неколку стотици се ранети по напад на израелските сили во западниот дел на Газа. На видеата се гледаат гладни Палестинци кои во тој момент се собрале околу камион со хуманитарна помош. Но, израелската верзија на настаните е нешто поинаква.
Според Министерството за здравство во Газа, било пукано врз луѓето кои ја чекале толку потребната хуманитарна помош. Сведоците го мислат истото. Ситуацијата ја опишуваат како нереална, а на социјалните мрежи кружат видеа од тела натрупани на камиони.
Додека од светот доаѓаат многу реакции за новата бруталност на израелската армија, која Белата куќа ја нарекува сериозен инцидент, Хамас вели дека не сака да зборува за пролеаната крв на својот народ. Тие предупредуваат дека ова може да стави крај на преговорите за толку потребното примирје. Израелската влада го нарекува настанот трагедија. Тие објавија видео во кое тврдат дека, во пресрет на инцидентот, околу камион со хуманитарна помош се собрала толпа луѓе. Тврдат дека ги убиле возачите.
