Нина Нинковиќ (58) од Бања Лука е прогласена за виновна и осудена на две години затвор во првостепената постапка за обид за убиство на колешката и шефица Слаѓана Танасиќ, откако во кафето ѝ турила отровна супстанца која може да предизвика смрт.
Во 2022 година, Нинковиќ и донела кафе на шефицата со хемикалија која се користи во производите за чистење и како отров за мравки. Нинковиќ и Танасиќ работеле во Педагошкиот институт на Република Српска.
Обвинителството бара построга казна за Нинковиќ. Како што пишува N1 БиХ, на жалбеното рочиште пред Врховниот суд на Република Српска, одбраната побарала да се укине првостепената пресуда на Нинковиќ и да се врати предметот на ново судење или да се смени пресудата бидејќи тврдат дека не се работи за кривично дело кое се води против неа.
Исто така, одбраната бара на 58-годишната жена да ѝ биде укинат притворот.
Претседателот на судскиот совет Благоје Драгосављевиќ при образложението на претходната првостепена пресуда истакна дека не може да се обжали истата, како и решението со кое на обвинетата ѝ е одреден притвор.
Судијката рече дека делото го сторила со можна умисла и дека е утврдено дека концентрацијата на отровни материи што 58-годишната жена ги ставила во кафето не можела да предизвика смрт и дека се работи за неподобен обид за убиство, пишува N1 БиХ.
