Словачкиот парламент вчера го поддржа амандманот со кој ќе се овласти Министерството за одбрана да одобри извоз на оружје, отворајќи го патот за јавните и приватните компании за оружје да продолжат да ја вооружуваат Украина. Ова резултираше со тотален пресврт на предизборното ветување на премиерот Роберт Фицо, кој тврдеше дека нема да испрати „ниту еден куршум“ во Киев.
Законодавното тело со мнозинство ја одобри измената на предложениот закон. Претседателката Зузана Чапутова претходно стави вето на нацрт-законот, кој беше одобрен по забрзана постапка непосредно пред Божиќ, објаснувајќи дека Министерството за одбрана нема професионални ресурси да ги процени потенцијалните ризици од продажбата на оружје за меѓународниот углед и безбедност на Словачка, пишува Index.hr.
Но, критичарите на очигледниот пресврт, бидејќи ветото за извозот на оружје досега беше одговорност на Министерството за надворешни работи и разузнавачката служба СИС, рекоа дека ставот на Фицо против оружјето во Украина имаше за цел да привлече гласови за неговата партија Смер на минатогодишните избори, и дека добивките што ќе се остварат од вооружувањето на Киев ќе се обезбедат продолжување на извозот.
„Олигарсите зад Смер од одбранбениот сектор добиваат многу со тоа што можат да ги продаваат своите производи во Украина и секогаш беше јасно дека ќе продолжат со снабдувањето“, изјави за Политико Јарослав Над, словачки министер за одбрана во претходната влада.
