Легендарниот шпански голман, Икер Касиљас, ја нарече смешна наградата на ФИФА – „The Best“ откако Лионел Меси ја освои пред Ерлинг Халанд.
Клучни се покажаа гласовите на капитените на репрезентациите, а Аргентинецот доби повеќе од нив и на крајот наградата заврши во неговите раце со општо негодување од целиот свет.
Финалниот епилог не му се допадна ниту на славниот голман на Реал (М), кој наградата ја нарече смешна.
„Направете убави награди и потоа уништете ги со тоа што не ги правите работите праведно. Подобро да се вика „The Smile“. Добра ноќ“, изјави Икер Касиљас.
Јасно е како дена дека 42-годишната легенда на Реал не е задоволна од фактот што Меси беше награден иако Ерлинг Халанд освои речиси се што можеше со Сити и собори бројни рекорди во Англија.
Голем е бројот на тие кои го делат мислењето на славниот голман дека Аргентинецот не требаше да ја добие наградата. Особено гласни се од Мадрид, каде секоја година со неверување гледаат во начинот на гласање.
Икер Касиљас е петкратен освојувач на трофејот за најдобар во светот.
