Десетици илјади граѓани се собраа на антивладините протести низ Словачка, барајќи оставка од премиерот Роберт Фицо.
Серијата протести наречени „Словачка е Европа“ ја организираше граѓанската иницијатива „Мир за Украина“, а словачката дијаспора организираше протестни собири во Полска, Германија, Чешка и Ирска, објави порталот Aktuality.sk.
Според словачкиот претседател Петр Пелегрини, ситуацијата е сериозна, додека Фицо изјави дека тоа е обид за државен удар и за „структура“ која сака да го наруши уставниот поредок.
Според проценките на организаторите, во Братислава се собрале до 60.000 луѓе, што би го направило денешниот протест еден од најголемите во модерната словачка историја.
Организаторите на протестот побараа словачкиот премиер да поднесе оставка „за доброто на иднината на Словачка“.
Тие го повикаа Фицо да го почитува законот, независноста на институциите и транспарентно да владее и побараа од владата и од највисоките претставници на државата да престанат со „секаква соработка со Русија, да престанат да ја напаѓаат Украина и да ги запрат обидите на Роберт Фицо да го промени словачкиот странска ориентација, прекршувајќи ги обврските кон ЕУ и НАТО“.
Нов протест во Братислава е најавен за 7 февруари, јави Танјуг.
ИЗДВОЕНИ
АСТРОЛОГ ЗОРАН КРСТЕВСКИ: За водолијата 2025 отвора подобра перспектива во работата и љубовта, за рибите носи повеќе храброст и креативност
Маестрален почеток на новата сезона на Националниот џез оркестар: „Џез-лектира посветена на музичкиот гениј Квинси Џонс!“/ФОТО
КОЛУМНА, Д-Р РИСТО ЦИЦОНКОВ: Ало, Америка, природата не знае да глуми!
Европските вредности на тест со македонското прашање!
