Поранешниот американски претседател Бил Клинтон, 25 години по несреќата со руската подморница Курск, откри дека постојат докази дека Путин ги жртвувал своите морнари за да ги држи своите нуклеарни тајни подалеку од Америка.
Големата катастрофа на нуклеарната подморница во која загинаа 118 лица, го означи почетокот на претседателскиот мандат на Владимир Путин. Тоа беше најсмртоносната подморска несреќа во руската историја.
What happened with the Kursk submarine—Putin’s first disaster?https://t.co/ibHjn6DRwb
— UNITED24 Media (@United24media) August 17, 2024
По експлозијата на руската нуклеарна подморница К-141 „Курск“ на 12 август 2000 година, три месеци по инаугурацијата на Путин како претседател, 118 морнари беа заробени на дното на Баренцовото Море.
И покрај ветувањата за поотворена, западно ориентирана Русија, на Путин му требаа три дена да прифати меѓународна помош. Дури и кога се согласиле да ja примат, руската морнарица ги попречила норвешките нуркачи давајќи им аматерски, рачно нацртани скици од отворот за бегство, и ја спречила спасувачката служба на британската кралска морнарица да го лансира својот поморски брод.
Документарен филм сега фрла нова светлина врз причините зошто на рускиот воен и политички естаблишмент му требаше толку долго да го извести Путин за катастрофата. Исто така, дава нова перспектива за 10-те дена кои го обликуваа новиот претседател во авторитарен владетел што е денес, пишува Тајмс.
Серијата од два дела „Курск: 10 дена што го обликуваа Путин“ е продуцирана од „HiddenLight“, која е во сопственост на поранешната прва дама на САД Хилари Клинтон, нејзината ќерка Челзи и синот на милијардерот Ричард Бренсон, Сем.
Зборувајќи за прв пат за катастрофата, Бил Клинтон – кој беше американски претседател во тоа време – тврдеше дека Путин ги жртвувал животите на морнарите за да ги заштити руските нуклеарни тајни.
„Путин знаеше дека ако отидеме таму, има работи што ќе ги научиме за нивната технологија што не може да се заборават“, рече тој во документарецот.
Kursk had marked the beginning of Putin’s rule; and might have marked the imminent end. OTD 12 August 2000, the Russian nuclear submarine Kursk sank in the Barents Sea during a training exercise. All 118 people on board died. It happened three months after Putin first took office… pic.twitter.com/WaFbwQ4txN
— Sergiy Kyslytsya 🇺🇦 (@SergiyKyslytsya) August 12, 2024
Клинтон призна дека првично верувал, кога Путин бил избран за претседател, дека САД и Русија можат да станат сојузници. Но, набрзо сфатил дека рускиот претседател повеќе има намера да ја врати „големината на Русија“.
– Студената војна не подели и сакав да направам се што можам за да и помогнам на Русија да премине кон демократија. Претседателот Путин беше јасно решен да ја врати големината на Русија. Бев за тоа, но треба да одлучите што мислите кога велите дека сте голема земја. „Затоа бев загрижен за Путин, дека ќе имаме некаква манифестација на нова цврстина“, рече Клинтон.
Во саботата, 12 август 2000 година, во 11:28 часот, морнарите на американската подморница „Мемфис“ слушнале две експлозии на „Курск“ додека набљудувале воена вежба на руската северна флота во Баренцовото море. Командантот Марк Бреор ги известил своите претпоставени, кои контактирале со Белата куќа.
Во рок од 24 часа, САД одлучија да понудат помош.
– Мислев дека претседателот Путин знае, од односот што внимателно го изградив во текот на годините со Борис Елцин, дека сакам САД, Русија и НАТО да бидат сојузници во новиот свет. „Само сакав да помогнам да им ги спасиме животите ако можеме“, рече Клинтон.
На крајот, со оглед на тоа што не слушнал ништо од Русија, Клинтон телефонски му се јави на Путин, кој бил повлечен во изолација и не давал никакви изјави за катастрофата, за да во септември 2000 година, во емисијата на Лери Кинг во Њујорк, на прашањето на водителот што се случи со подморницата, тој рече: „Потона“.
– Мислев дека е грешка што претседателот Путин се обиде да се дистанцира од проблемот. Луѓето ја изразуваат својата гордост на различни начини. Можеби е психолошко, можеби е културно, можеби и двете. Мислам дека не те прави послаб ако прифатиш помош од други луѓе. Му се јавив. Тој рече: „Ќе им укажам на мојот народ да ја искористи оваа понуда за помош“. Така, тој ја прифати помошта – рече Клинтон.
Но, веќе беше доцна. Во неделата, 20 август, осум дена по потонувањето на подморницата, морнарите беа откриени мртви кога беше отворен отворот за бегство. Путин веднаш почна да шири дезинформации за потонувањето, обвинувајќи ги руските олигарси за уништување на армијата и морнарицата и за заострување на ограничувањата на слободата на медиумите, пишува Тајмс.
