Општина Ѓорче Петров започна со изградба на нов паркинг простор во близина на спортското фудбалско игралиште „Македонски лавови“ на булеварот „Македонска војска“.
Со вкупна површина од 850 квадратни метри, новиот паркинг ќе обезбеди простор за приближно 50 возила, со што ќе се подобри инфраструктурата и ќе се реши долгогодишниот проблем со непрописното паркирање во овој дел од општината.
Градоначалникот Александар Стојкоски истакна дека со оваа инвестиција, општината уште еднаш ја потврдува својата посветеност кон создавање на поуреден, безбеден и модерен јавен простор за своите граѓани.
Овој проект е дел од пошироката стратегија за унапредување на локалната инфраструктура, со цел подобрување на квалитетот на живот во нашата заедница.
