Експерт открива кој маж е најдобар љубовник

Експертот за врски Марина Лазарис тврди дека мажите кои плачат се најдобри љубовници бидејќи се емотивно отворени и способни да создадат подлабоки, вистински врски. Таа истакнува дека постојат суптилни знаци кои жените треба да ги препознаат за да најдат „вистинска љубов“, а не само краткотрајна авантура.

„Границата помеѓу ранливоста и мажественоста е најголемиот предизвик за мажите во денешното општество. Телевизиските сцени во кои жените ги тешат мажите и ги бришат нивните солзи имаат моќ да ја редефинираат интимноста на екранот. Тие на тој начин ги менуваат традиционалните поими за мажественост и ја слават ранливоста како внатрешна сила која создава подлабока интимност“, објасни експертот.

Лазарис предупредува дека „трчањето“ по маж кој има висок социјален статус може да ве наведе да се заљубите во некој кој брзо ги менува партнерите и бега од вистинската, искрена љубов.

Експертот истакна седум суптилни знаци кои треба да ги забележите кај мажот за да знаете дека тој е најдобриот љубовник.

1. Не се плаши да плаче

Мажите кои си дозволуваат да плачат се способни за сериозни врски, можат да сакаат, не ги интересира само сексот, додека повеќето мажи никогаш не ја минуваат таа фаза. Тие пораснале мислејќи дека сексот е само листа на задачи, а не искуство што треба да се истражува, што ги лишува од вистинската интимност.

2. Не мора да ја докажува својата машкост

Не мора да се докажува. Наместо тоа, тој е целосно присутен, фокусиран на поврзување и уживање. Вистинската интимност не бара перфекционизам, туку ја прифаќа несовршеноста, ужива во моментот и создава посебни, изненадувачки моменти.

3. Ве слуша

Добриот љубовник внимателно ги следи вашите емоции. Тој не само што слуша што кажувате, туку забележува и промени во вашиот тон, како и она што не сте го кажале. Со него имате чувство дека некој ве слуша и разбира.

4. Никогаш не се менува

Големиот љубовник знае кој е и не се труди да биде нешто што не е. Тој не носи маски и тоа ја гради довербата во врската. Неговата автентичност ви овозможува да бидете свои.

5. Сака да истражува во спалната соба

Мажот е љубопитен и сака да дознае повеќе за вашите преференции. Неговата отвореност помага вашата врска да остане возбудлива.

6. Тој се труди да се чувствувате ценети

Големиот љубовник се труди да се чувствувате ценети. Неговите постапки постојано покажуваат дека се грижи за вашата среќа.

7. Сака да зборува

Многу мажи ги кријат своите чувства затоа што мислат дека не смеат да ја покажат својата „слабост“. Меѓутоа, мажите кои се свесни за своите емоции тоа го покажуваат преку своите постапки. Тие не го потиснуваат гневот, туку го користат како енергија и страст во спалната соба. Тие отворено ги изразуваат своите чувства и на тој начин создаваат простор во кој партнерот ќе се чувствува безбедно, пишува The Sun.