Високите температури кои периодов ја зафатија територијата на нашата држава, носат зголемена опасност од настанување на пожари на отворен простор и шумски пожари, поради што апелираме до сите граѓани на зголемена будност и мобилност.
– Со цел да се спречат несакани последици, апелираме да не се пали оган на отворен простор, да не се фрлаат пластични и стаклени шишиња, да не се врши палење на отпад и друг горлив материјал и да не се фрлаат отпушоци од цигари и догорчиња. Истовремено, доколку забележите пожар, може да пријавите на отворената линија 02 155 22, односно 02 2581 080 број на централа на ЈП Национални шуми, или на телефонскиот број 193 на Противпожарна бригада и на 112 во Центарот за управување со кризи – велат од ЈП Национални шуми.
