Најголемата ѕвезда во дресот на францускиот прволигаш Олимпик од Лион, Мемфис Депај, испрати јасна порака до клупските челници дека е можно да ја промени клупската средина за време на зимскиот преоден рок. Репрезентативецот на Холандија има договор со „лавовите“ до крајот на актуелната сезона, а најголем интерес за неговите услуги веќе со месеци покажуваат челниците на каталонскиот гигант Барселона.
