Многу светски гурмани веруваат дека Јапонците го прават најдобриот мајонез на светот, но само најхрабрите би се осмелиле да го пробаат најновиот производ од нивната кујна.
Имено, синџирот супермаркети „Лосон“ во таа островска земја претстави нов пијалок со вкус на мајонез наречен „Nomu Mayo“, кој може да се пие преку сламка, пренесува Euronews.
Според „Лоусон“, станува збор за „ладниот пијалок што љубителите на мајонез долго го чекаат“, а се продава по цена од 198 јени или околу 1,25 евра.
Состојките на декларацијата вклучуваат млечни производи, зачини со вкус на мајонез и преработени цели јајца.
Моментално се продава само за тестирање на пазарот, но првите коментари не се најпозитивни.
Еден корисник на мрежата „Х“ напишал дека не може да процени дали се работи за „генијален изум или злосторство против храната“, а има и такви кои се заинтригирани и сакаат да го пробаат.
１１月２６日よりローソンから、マヨのコクと酸味をチルド飲料で再現したマヨラー待望のマヨネーズ風ドリンク「飲むマヨ」が新発売されます✨ pic.twitter.com/R7ElTTaULt
— 極上のスイーツ (@sweetroad5) November 22, 2024
Оние кои веќе имаа можност да го пробаат белиот пијалак, со кисел вкус, всушност немаат пофални зборови.
„Ако не сакате мајонез, овој пијалак може да ве убие, а ако го сакате, да ве натера да го мразите“, вели еден од нив.
