Откако беше објавена фотографија од Доналд Трамп како ја напушта Трамп кулата, многумина се запрашаа за црвените точки на неговите дланки, пишува Newsweek.
Фотографијата е направена додека Трамп заминува на второто судење за клевета на Менхете кое го покрена Е.Џин Керол.
Новото судење, кое се очекува да заврши до крајот на неделата, следи по граѓанската тужба што заврши минатиот мај кога поротата утврди дека поранешниот претседател е одговорен за сексуален напад и клевета на Керол.
Трамп, поранешен претседател кој се надева дека повторно ќе ја добие номинацијата на неговата партија, негираше дека сексуално ја нападнал Керол во стоковната куќа во Њујорк во 1990-тите. Таа бара отштета од 10 милиони долари, откако минатата година и беа доделени 5 милиони долари.
Does Donald Trump have early-stage leprosy? pic.twitter.com/eWu27TmvoI
— Tim Miller (@Timodc) January 17, 2024
Како што се случи претходно, луѓето на социјалните мрежи брзо шпекулираа што ги предизвикало дамките на рацете на Трамп. Некои рекоа дека можеби е херпес или дека можеби неодамна паднал.
Иако е тешко да се дијагностицира состојбата на кожата врз основа на само една фотографија, Др. Џошуа Зихнер, вонреден професор по дерматологија во болницата и во Њујорк, изјави за Business Insider дека Трамп најверојатно има осип – што може да има различни причини.
– Осипот на рацете може да биде предизвикан од различни фактори, од инфекции до воспалителни состојби до надворешно изложување – рече Зихнер.
