Уште еден маж е избоден со нож денеска во Нови Сад, само два часа по првиот ваков напад во населбата Лиман Како што е потврдено за порталот 021.rs, нападот се случил во Клиса, улица „Радослава Продановиќ“ околу 19 часот. Портпаролот на Итната помош д-р Зоран Круљ изјави дека 43-годишниот маж е повреден од ладно оружје. На повик на полицијата интервенирала Брзата помош. По укажаната помош, повредениот во свесна состојба е пренесен во хируршкото одделение на Ургентниот центар“, вели д-р Круљ.
Претходно, 22-годишен младич беше избоден со нож околу 17,00 часот, на Лиман, на улицата „Фрушкогорска“. Според д-р Круљ тој се здобил со повеќе повреди и е во стабилна и свесна состојба, пренесен е во Ургентниот центар, на одделението за реанимација.
