Во традиционалната трка на бикови во шпанскиот град Памплона, повредени се шест лица, од кои едното е пренесено во болница со сериозна трауматска повреда на главата, објавија денеска шпанските медиуми.
Улиците на Памплона беа преполни со љубопитни гледачи на трката со бикови, од почетната точка на Questa de Santo Domingo до преполната градска корида, пишува Ел Паис.
Крајот на трката помина мирно, но годинава беше соборен рекордот во брзината со која биковите ја истрчаа традиционалната рута, пренесува Танјуг.