Заборавени во фиоки, изгубени на плажа или складирани во албуми на носталгичните колекционери, Шпанците сѐ уште имаат пезети во вредност од 1,6 милијарди евра, речиси 20 години откако таа земја го претстави еврото како своја официјална валута, објави Шпанската централна банка.
Шпанците имаа рок до 30 јуни 2021 година да разменат пезети за евра, ако не го сториле тоа по 1 јануари 2002, кога еврото беше воведено. Но, два месеци по истекот на рокот, властите проценија дека ширум Шпанија сѐ уште има пезети во банкноти еднакви на 793 милиони евра и монети во вредност од 782 милиони евра.
Овие пари би можеле да го покријат планираното проширување на аеродромот во Мадрид, или пак, деветпати да го исплатат фудбалскиот напаѓач Килијан Мбапе, кого Реал Мадрид сака да го купи од француски ПСЖ.
