Рускиот министер за одбрана Сергеј Шојгу за првпат се појави во јавноста по обидот за државен удар во Русија.
Како што соопшти руското Министерство, Шојгу го проверил командното место на една од формациите во воената зона.
Руското Министерство соопшти дека шефот на рускиот воен оддел го слушал извештајот на командантот на групата, генерал-полковник Евгени Никифоров, за актуелната ситуација, природата на акциите и извршувањето на борбените задачи на руските сили.
Video appears to show Russian defence minister Sergei Shoigu in Ukraine after rumours he may have been sacked.
It is not known when or where this footage was filmed exactly, but it was sourced from Russian state-owned news.
Ukraine latest: https://t.co/QYEclXwEfa pic.twitter.com/dCfSS5pwUk
— Sky News (@SkyNews) June 26, 2023
На средбата, Шојгу ја истакна високата ефикасност на идентификување и уништување на воена опрема и непријателски персонал во тактичките области на зоната на одговорност на групата.
„Шојгу посвети посебно внимание на организацијата на сеопфатна поддршка на единиците вклучени во специјалната воена операција и на создавањето услови за безбедно распоредување на персоналот“, се наведува во соопштението за печатот, а пренесе ТАСС.
Тоа е прво јавно појавување на рускиот министер за одбрана по задушувањето на обидот за бунт инициран од Евгениј Пригожин, кој заврши со договор според кој поранешниот шеф на Вагнер ќе се пресели во Белорусија, а неговите платеници од Вагнер групата се приклучи на руската армија.
Инаку, Пригожин со месеци ја критикуваше работата на Шојгу, а не беше задоволен и од работата на Валери Герасимов, началникот на рускиот Генералштаб.
