Никол Кидман синоќа не можеше да ја прими наградата за најдобра актерка на филмскиот фестивал во Венеција.
Причината е срцепарателна.
Таа дознала дека нејзината мајка починала.
Кидман (57) ја доби наградата за улогата во филмот „Бејбигрл“ („Babygirl“).
Режисерот на филмот ја прочита пораката на Кидман при прифаќањето на престижната награда во нејзино име.
„Стигнав во Венеција само за да дознаам дека мојата прекрасна, храбра мајка штотуку починала. Во шок сум и морам да се вратам кај моето семејство, но оваа награда е за неа, таа ме обликуваше, ме водеше и ме направи. Судирот на животот и уметноста е срцепарателен, а моето срце е скршено. Ве сакам сите“, изјави Кидман.
