Ако издржите најмалку седум дена без конзумирање газирани пијалоци, ќе забележите позитивни промени, а по неколку месеци телото ќе ви биде целосно обновено, тврдат експертите.
Газираните пијалоци имаат силен мирис, додека меурчињата ја иритираат усната шуплина, што ги слабее сетилата во устата.
Кога ќе престанете да пиете газирани пијалоци, особено со оброците, ќе забележите дека храната е повкусна, а вкусовите ќе бидат поизразени – кисели, зачинети и слатки.
Освен тоа, ќе бидете и подобро расположени бидејќи многу вештачки состојки и адитиви во газираните зашеќерени пијалоци го забавуваат варењето и ги оптоваруваат органите, што често резултира со нервоза, главоболки и раздразливост.
Вашите бубрези поефикасно ќе ја извршуваат својата работа, а бидејќи нивната задача е да го исчистат телото од токсини, можете да очекувате стабилизирање на крвниот притисок.
Поради нивната висока содржина на шеќер, познато е дека овие пијалоци значително придонесуваат за зголемување на телесната тежина. Без оглед на тоа за какви етикети се тврди дека е диетална или нискокалорична, шишињата и лименките често содржат многу повеќе калории од очекуваното.
Опсежната студија спроведена во неколку европски земји со илјадници учесници кои редовно консумирале газирани сокови покажа дека оваа навика е тесно поврзана со дебелината и често доведува до акумулација на масно ткиво околу половината и стомакот и зголемување на нивото на триглицериди, што може резултира со срцеви заболувања и дијабетес, пишува Body Network.
