Проблемите во бракот најчесто се јавуваат поради недостаток на комуникација, недоверба и нереални очекувања на партнерот. Денешниот брз начин на живот го отежнува одржувањето на блиските врски, додека финансиските притисоци и стресот ја влошуваат ситуацијата.
Се почесто паровите избегнуваат да разговараат за клучните прашања, што доведува до распад на врската. Следствено, разводот станува вообичаена опција бидејќи многу парови не се подготвени или не знаат како да ги решат своите проблеми.
Трејси Кокс е една од најпознатите светски експерти за секс и писатели за секс и врски. Напишала 17 книги, од кои многу се бестселери и се достапни на повеќе од 20 јазици, а открила и што грешат многу брачни парови и како доаѓа до развод, пишува Дејли мејл.
Сите бракови минуваат низ кризи, но некои однесувања може да доведат до развод.
Секој од овие знаци бара внимание и труд. Доколку се присутни овие проблеми, најдобро е да побарате стручна помош за да го спасите бракот. Ова се четири сигнали кои предупредуваат дека ќе дојде до развод.
- Презир и омаловажување
Доколку недостасува меѓусебно почитување, а едниот партнер постојано го критикува или омаловажува другиот, тоа може да ја уништи врската. Здравите бракови се засноваат на поддршка, но ако едниот партнер постојано се потсмева или го понижува другиот, тоа е сигурен пат до проблеми.
- Лоша комуникација
Способноста да се зборува отворено е клучна за стабилен брак. Ако секој разговор за важни теми заврши со расправија или молчење, бракот е во опасност.
- Финансиски тајни
Парите се чест извор на стрес во браковите, а тајното трошење или скриените долгови може да предизвикаат големи проблеми. Кога едниот партнер манипулира со финансиите или крие трошење, довербата е скршена.
- Неверство
Дознавањето за неверство, било физичко или емоционално, може да биде катастрофален удар за бракот. Изневерувањето ја уништува довербата и чувството на сигурност во врската. Гневот, болката и нагонот за одмазда ја претвораат најразумната личност во тиранин, правејќи го компромисот невозможен.
