Два дена по ред на хрватската граница се пронајдени штетни материи во производи од Србија.
Како што се наведува на сајтот на европскиот систем за брзо предупредување, на 16 ноември е откриено дека карфиол од Србија содржи остатоци од хербицидот флуазифоп, кој се користи за уништување коров.
Иако не е утврден ризикот и симптомите кој овој производ може да ги предизвика, одлуката на хрватските власти била карфиолот да се уништи, пишува на сајтот RASFF.
Ден подоцна, при контролата е утврдено дека намазот од сирење по потекло од Србија во себе има афлатоксин.
Пратката е пуштена на територијата на ЕУ со издадено предупредување.
