Ученик од трето одделение од основно училиште во Шибеник вчера со мал нож се заканил на ученик од шесто одделение.
Од училиштето за хрватски Индекс потврдиле дека инцидентот се случил на голем одмор и дека нема повредени. На покана на вработените во установата на терен излегла и Итната помош.
„За време на големиот одмор, третоодделенец вербално провоцирал шестоодделенци. Учениците му возрватиле, по што третоодделенецот зел дел од приборот за јадење и му се заканил на шестоодделенецот. Постариот ученик, кој е физички посилен, го фатил за рака помалиот ученик. Скокнале и другите шестоодделенци и лесно ги одземалеприборите за јадење. Инцидентот траел само неколку секунди, по што сите ученици седнале на масата и продолжиле со оброкот. Повредени нема“, соопштија од училиштето.
Од училиштето изјавија дека веднаш по настанот ги известиле надлежните институции.
„Постапуваме според Протоколот за справување со насилството меѓу децата и младите. Откако дознале за овој настан, а со оглед на претходното недолично однесување на учениците од трето одделение, училиштето повикало итната помош, која согласно својата надлежност повикала полиција, па тие ја презеле постапката.
Училиштето вчера и денеска постапува согласно Протоколот за справување со насилството меѓу децата и младите, а комуницираме и со родителите на учениците вклучени во настанот“, велат оттаму и додаваат дека советот на родители имал бил информиран за настанот.
Според неофицијални информации на Индекс, станува збор за момче кое поради проблематично однесување по второто одделение било префрлено во друго училиште, а за време на ручек во училишната менза со нож за намаз им се заканувал на повозрасните ученици.
