Фреди Гуарин беше репрезентативец на Колумбија кој прво беше позајмен на Бока Јуниорс од неговиот матичен клуб Енвигада, по што беше позајмен на Ст. Етјен, а во 2006 година Порто го купи и потоа го позајми, па го продаде на Интер.
Играчот за врска дојде во Милано на крајот на јануари 2012 година за само 1,5 милиони евра на позајмица, како замена за Тијаго Мота кој замина во ПСЖ. Калчо гигантот Интер потоа го купи на крајот на сезоната за 11 милиони евра.
Се сметаше дека тоа е почеток на блескавата кариера, но всушност тоа беше крајот. Многу се мачеше, играше во Кина, Бразил, а потоа во очај се врати дома и најави крај на кариерата во 2021 година. После тоа, Фреди е чест гостин во разни списанија и неговата приказна е поука за сите актуелни и идни фудбалери.
Тоа го кажа барем сто пати, но секој пат јавноста дознава некои нови и вознемирувачки работи од мрачното минато на играчот.
Колумбиецот беше тежок алкохоличар и тоа на крајот скапо го чинеше, а откри и дека бил подготвен да се самоубие.
„Почнав да се прославувам во Италија и горе-долу сè започна надвор од теренот и таму. Ќе се опијанев два дена пред натпреварот, потоа ќе одев на терен и ќе се средеа работите сами. Победивме, постигнав еден или два гола. Работев повеќе отколку кога не пиев, можеби затоа што имав грижа на совеста.. Пиев дома, во клубови, во ресторани. Барав друштво, амбиент, шампањ насекаде, топ модели. Имав свое семејство и таму работите се искомплицираа. Знаев дека правам грешки, и на работа и во семејните обврски“, низ солзи изјави Гуарин.
„Повеќе немав зацртана цел во семејството, ниту пак во фудбалот. Чувствував дека нема ограничување. Бев целосно натопен со алкохол. Мојот агент и јас си рековме: „Мораме да заминеме од тука, не можеме повеќе да останеме во Милано“, додаде поранешниот играч за врска.
„Отидов во Кина, ми платија во евра и таму целосно дегенерирав во алкохолизам. Станував, одев на тренинг и после вежбање алкохол. Донесов пријатели од Италија, пријатели од Колумбија, во Кина. Еднаш земав 16 луѓе немав контрола за пари, но заработував многу пари“, вели Гуарин.
Поранешниот фудбалер на Порто и Интер откри дека се обидел да се самоубие…
„Искуството во Бразил? Шестте месеци ме натераа да се чувствувам како најсреќниот човек на светот на теренот. 50, 60, 70 пива во една вечер. Пандемијата дојде, немаше тренинг, немаше група, нема фудбал. Јас не се плашев. Отидов во фавелата. Отидов пијан барајќи опасност.
Тие 10 дена беа тешки, ги поминав целосно пијан. Ќе заспиев од исцрпеност и ќе се разбудев со пиво до мене, за повторно да се опијам.
Живеев на 17-ти кат, мислев дека животот ми е потрошен и реакцијата ми беше да скокнам. Имаше мрежа на балконот, скокнав и ме оттурна. Не бев свесен што правам, не знам што се случи. Само што се онесвестив. Во тоа време се зборуваше дека ковидот убива, мојот ум беше опседнат со смртта. Бев сам, со мојот проблем со зависноста. Знаев дека со секаква интоксикација ќе умрам. Тоа беше смрт или затвор. Никој ништо не знаеше, само мојот најблизок круг на пријатели, но така се одвиваа работите“, е тажната исповед на Гуарин, по што новинарката го прекина интервјуто тврдејќи дека му се тресат рацете и таа не може да продолжи.
Гуарин неодамна призна дека е многу голем зависник од алкохол и дека се обидува да се опорави.
„Секој ден работам за да ги избркам тие духови, а сега се вратив на своето старо јас. Откако престанав да играм во 2021 година, започна тежок пат, отидов во погрешна насока и паднав под дејство на алкохол. Долго време не ги знаев границите, зборував од срце, но кога сфатив дека ја губам контролата, реков доволно. Зависноста е минато, но се уште демне зад аголот”, додаде Колумбиецот.
