„Бизнисот на задоволството“ е политичкиот трилер што ја следи приказната на новинарка, која, опседната со исчезнувањето на својата најдобра пријателка, подготвува тајна операција со цел да разоткрие мрежа за трговија со жени. Но, како што се приближуваат нејзините соучесници до шефот, ситуацијата излегува од контрола…
Долгометражниот филм „Бизнисот на задоволството“ на режисерот Гоце Цветановски го затвори 34. издание на филмскиот фестивал „Cineworld film festival“ во Флорида, САД. Филмот имаше вкупно четири проекции во рамките на програмата, сите во ударен термин.
Претходно, „Бизнисот на задоволството“ имаше уште еден фестивалски успех во САД со селекцијата на „Orlando Film Festival“, каде што беше номиниран за награда во пет категории: најдобар филм; најдобра режија и сценарио – Гоце Цветановски, најдобра кинематографија – Фејми Даут, најдобра споредна улога – Дамјан Цветановски.
Првото долгометражно филмско остварување на Цветановски неодамна ја имаше и својата африканска премиера и беше дел од официјалната програма на Africa International Film Festival и на Abuja International film festival во Нигерија.
„Бизнисот на задоволството“ досега беше селектиран на десетици фестивали, а се закити со пет награди.
Политичкиот трилер ја следи приказната на новинарка, која опседната со исчезнувањето на својата најдобра пријателка, подготвува тајна операција со цел да разоткрие мрежа за трговија со жени. Но, како што се приближуваат нејзините соучесници до шефот, ситуацијата излегува од контрола.
Улогите ги толкуваат: Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
„Бизнисот на задоволството“ е снимен со поддршка на Агенцијата за филм.
