Гласовите на хрватскиот новинар, Здравко Реиќ, не беа одобрени од навивачите на Реал (М), кои го критикуваа затоа што не му дал најмногу бодови на Винисиус Јуниор. На сајтот „Madrid Xtra“, кој објавува вести за Реал (М), беа објавени гласовите на Реиќ, а потоа почнаа коментарите.
„Го купи Манчестер Сити“, „Не мора сите овие луѓе да гласаат“, „Како може Лаутаро да биде пред Вини?“, „Каква понижувачка листа“, „Ова е криминал“, се само дел од коментарите наменети за сплитскиот новинар. Еве како гласал Реиќ, новинар од Спортски новости: Родри (15 поени), Карвахал (12 поени), Мартинез (10 поени), Винисиус (8 поени), Мбапе (7 поени), Халанд (5 поени), Јамал (4 поени), Вирц (3 поени), Белингем (2 поени), Крос (1 поен).
