Мадрид најави дека ќе забрани изнајмување на електрични тротинети, со што ќе стане втор европски главен град по Париз кој го прави тоа.
Градската влада на Мадрид соопшти дека забраната ќе стапи на сила на 1 октомври.
„Ги повлекуваме сите дозволи за компаниите да изнајмуваат е-тротинети на улиците на градот“, напиша на интернет конзервативниот градоначалник на Мадрид, Луис Мартинез Алмеида. Тој рече дека приоритет е безбедноста на граѓаните на Мадрид.
Трите фирми кои имаат лиценци за изнајмување на 6.000 електрични тротинети ќе мора да ги отстранат од улиците затоа што не го испочитувале условот што го поставивме – да ја гарантираме безбедноста на пешаците, пред се на старите лица“, напиша градоначалникот.
Властите во Мадрид прецизираа дека компаниите не користеле технологија што ќе го оневозможи возењето или паркирањето е-тротинети во ограничени области и дека немаат соодветни полиси за осигурување во случај на несреќа.
