Парижаните кои копнеат по врвна ресторантска понуда во време кога епидемијата на коронавирус ги затвори рестораните, имаат алтернатива – главните готвачи доаѓаат да подготват оброк во нивниот дом.
Фатиха Ел-Кадуи добива нарачки од приватни лица, носи состојки во нивниот дом и таму подготвува јадења со ресторантски квалитет.
Пред епидемијата, таа имаше многу работа, а сега одбива до 30 проценти од барањата месечно.
„Побарувачката е многу, многу голема“, вели таа.
„Постои затоа што овие луѓе одеа во ресторани еднаш, двапати или три пати неделно“, објаснува тој.
Пред една недела, таа беше во домот на Валерија Лакроа (35), каде подготви јадење за неа и нејзината мајка – предјадење со црн дроб од гуска, проследено со јадења од маринирана риба, школки и ракчиња.
Ел-Кадуи вели дека ги почитува епидемиолошките правила и не им служи на компании поголеми од шест лица, како и дека не работи по 19 часот.
Нејзината услуга не е евтина – ручекот за двајца чини 340 евра.
