Шест лица, меѓу кои и едногодишно девојче, загинаа во украински ракетен напад врз градот Белгород во јужна Русија, потврди регионалниот гувернер Вјачеслав Гладков.
Уште седумнаесет лица, меѓу кои четири деца, се хоспитализирани со повреди, а шест се во тешка состојба, рече Гладков и додаде дека две деца се веќе пуштени на амбулантно лекување.
„Сите тагуваме со семејствата и пријателите на жртвите. Сакам да изразам искрено сочувство, сфаќајќи дека не постојат зборови кои можат да ја утешат оваа тага“, напиша Гладков на Телеграм.
Белгород е најблискиот голем руски град на границата со Украина. Градот и неговата околина беа под чести напади од февруари 2022 година, кога Русија испрати сили во Украина.
Руското Министерство за здравство соопшти дека испратило тим медицински специјалисти од федералните центри во Белгород.
Портпаролката на Министерството за надворешни работи, Марија Захарова, на Телеграм ги нарече настаните „терористички чин на Киевскиот режим“ и рече дека Русија ќе го претстави случајот пред Советот за безбедност на ОН.
Од Киев нема коментар за нападите.
Белгород в очередной раз переживает ужасные события. Это теракт. Погибли дети! Сколько ещё детей должно погибнуть, прежде чем Запад прекратит поставку оружия украинским нацистам? Это бессмысленное насилие должно вызвать осуждение и действия со стороны всего мирового сообщества. pic.twitter.com/7r272scFrs
— Сергей Миронов (@mironov_ru) February 15, 2024
