Полицијата во Романија приведе неколку мажи кои се упатиле кон Букурешт носејќи оружје, мачети и ножеви, поради сомневање дека имале намера да го нарушат јавниот ред и мир, соопштија денеска романските власти.
Меѓу уапсените е и локалниот советник во општина Медијаш, Хоратиу Потра, кој е познат како водач на група платеници кои дејствувале во Африка, објави романски Аџерпрес.
Потра беше изнесен со лисици од седиштето на окружниот полициски инспекторат Прахова во неделата вечерта, по неколкучасовно испрашување за наводни намери за нарушување на јавниот ред и мир во романската престолнина.
Неколку парчиња оружје и пари биле пронајдени во автомобил во областа Прахова, во кој бил Хоратиу Потра, потврдија извори од судството.
